Giđđat ja geasset boazu guohtu rahtá mii šaddá dađistaga go muohta suddá várrevilttiin. Rahttá lea álbmámus šaddu. Boazu sáhttá maiddái fiervvás guohtut deabbuid ja stáráid main leat iđut giđđat.
Geasset boazu manná badjosiidda ja bálgá jasain divrin vai beassá guohtut ráfis. Čakčageasi ja čakčat njiedjá vuolládagaide ja njoskkiide, gos vistá.
Boazu liiko jeahkáliidda, erenoamážit skábman ja dálvet, ja lea áidna ealli davviriikkalaš faunas mii dahká dan. Boazu álkit suolbmuda jeahkála, muhto das eai leat proteiinnat, ii ge dat goarit bohcco. Eará elliide lea jeagil mirkkolaš, ja bohccot besset danne ráfis leaicidit dáid herskuid. Jeagil, biikajeagil, sarvájeagil ja fiskesjeagil mat šaddet eatnamis, leat dehálepmosat. Ganat mat šaddet boares sogiin leat maiddái dehálaččat, erenoamážit go leat heajos dálveguohtumat.
Bohcco suhkkes guolggat lea bures heivehuvvon árktalaš nannáma eallimii. Sarvát nulpejit maŋŋá ragaha čakčat. Go lea gassa muohta, de sarvát goivot veahkkin suvnnjiid njiŋŋelasaide. Danne go njiŋŋelasain ain leat čoarvvit, de sáhttet duvdit sarváid eret ja beassat guohtut suvnnjiin. Go boazu geargá guohtumis, de rievssahat ges boibmot suvnnjiin.
Dás oainnát filmma čohkkemis dálveorohagas álbmotmeahci olggobealde njukčamánus 
.
Miessemearkun. Jan Ivvár ja Sárá mearkuba miesi. Govven: Knut Sverre Horn
Eallu vuojehuvvo helikopteriin. Govven: Jan Ivvár Smuk.
Mohtorjohtolat
Eallu guohtu viiddes guovlluin ja johtá áigodateatnamiid gaskka. Ođđaáigge boazodoalus geavahit mohtorfievrruid nugo skohteriid, unnit meahccefievrruid nugo njealjejuvllagiid, ja helikoptera go vuojehit ealu dálveorohahkii dahje dálveorohagas, ja go čohkkejit ealu mearkumii ja njuovvamii.
Helikoptergeavaheapmi ja dihtomielalašvuohta das ahte vuddjojuvvo iešguđet sajiin čohkkema áigge čakčat, ja ahte gárddit ja boazodoallobarttat leat álbmotmeahci olggobealde, dagahit dál ahte leat unnán boazodoalloluottat meahcis.
Guottetáigge guođohit boazodoallit guotteteatnamiin vai oidnet leat go boraspirevahágat ja vejolaš eará muosehuhttimat.
Čohkken, mearkun ja njuovvan čakčat
Miessešaddu rievddada ja mearrida man olu bohccuid sáhttá njuovvat. Guohtumat ovdalaš guotteha váikkuhit áldduid vuoibmái ja njiŋŋelaslohkui mii guoddá.
Čakčat vuojehuvvojit ealut gárdái Ganešnjárgii.
Gárddis merkejit misiid ja gaikot gávpečorraga, ja muđui eallu luitojuvvo fas.
Ovdal johtima dálveorohahkii Várjavuona máttabeallái skábma-/dálvemánus, de njuvvet maiddái gárddis Sáttováris.
Skábman ja dálvet boazu lea cuhcálas go guohtumat leat justa doarvái garra dálvái ja veahá giđđii. Muhtun jagiid šaddá bodneskárta dahje nu gassa muohta, ahte bohccot eai beasa guohtumiidda muohttaga vuolde. Dalle ferte bohccuid biebmat dálveorohagas. Orohagat gos eai leat lahppovuovddit, leat erenoamáš hearkkit lohkkašuvvan guohtumiidda giđđat.
Sarvát bálget sáttogáttis divrin Govven: Alfred Ørjebu
Ale muosehuhte bohccuid
Guottetáigge berre garvit guovlluid gos leat čoavjjehat ja álddut. Jus áldu muosehuhttojuvvo, de sáhttá guođđit miesis. Miessi dárbbaša álddu mielkki.
Luovosbeatnagat sáhttet dagahit stuorra vahágiid oatnelanbottas. Čuovo veaddinmearrádusaid, ja veatte beatnaga guovlluin gos leat bohccot.
Miessemánu 15.b. rájes geassemánu 15.b. rádjai lea dulvi ja guottet –
bohcco hearkkimus áigi. Dalle lea buoremus plánet mátkki eará sadjái. Fina baicce riddolagaš guovlluin.
Jus plánet njárgga badjosiidda, de lea buorre vuolgit su. suoidnemánu 1.b. rájes.
Daid dálvviid go lea bodneskárta ja heajos ealáhat, de lea boazu erenoamáš hearki muosehuhttimiidda.
Go oainnát bohccuid
Lea erenoamáš vásáhus oaidnit ealu lahka:
- Návddaš dili. Kiikariin beasat lagabui.
- Veatte beatnaga. Boazu sáhttá atnit ruohtti beatnaga uhkideaddji boraspiren mii lea bivdimin. Cuoŋománu 1.b. april – 20.rájes gitta borgemánu 20.b rádjai lea veaddingeatnegasvuohta. Fuomáš ahte álbmotmeahci A-guovllus lea viiddiduvvon veaddingeatnegasvuohta čakčamánu 9.b. rádjai. Maiddái veaddingeatnegasvuođaáiggi olggobealde lea dus geatnegasvuohta stivret beatnaga. Luovos beatnagat sáhttet vahágahttit fuođđuid ja maiddái sávzzaid ja bohccuid.
- Garvve jus oainnát bohccuid guohtumin.
- Čegŋe ja vuordde dassái eallu leat mannan meattá jus eallu bođeš ovddal.
- Giđđat lea boazu erenoamáš hearki, ja njiŋŋelasat guddet. Dalle mii fertet leat erenoamáš várrugasat: Bisán ja vuordde, jorgal ja garvve jus leaš dárbu!